Boneiru, Statia i Saba

E islanan Boneiru, Statia i Saba ta forma huntu e islanan BES. Den kuadro di e relashon di struktura estatal nobo e islanan lo bira parti di Hulanda. Nan ta haña e status di “munisipio ekstraordinario”.

Sentro di Servisio Regional

Pa e ehekushon di e tareanan ku Hulanda ta enkargá su mes kuné pa Boneiru, Saba ku Statia a instituí un Sentro di Servisio Regional (SSR) komun ku un ofisina na kada un di e islanan. Servisionan ehekutivo manera inspekshon, servisio di impuesto i dunamentu di pèrmit ta traha huntu den e ofisina akí. Pa esaki tin na 2009 1 mion euro i na 2010 2 mion euro disponibel.

E ofisina di SSR tin e propósito pa informá e poblashon di e posishon nobo di e islanan BES komo munisipio ekstraordinario di Hulanda i pa ehekutá tur e tareanan ku ta realisá na e islanan konserní na benefisio di e ministerionan di Hulanda.

Meta ta pa mehorá enseñansa, seguridat, salubridat públiko i infrastruktura di e islanan, anto esaki riba término kòrtiku kaba. Despues di e fecha di transishon lo kombiná un gran parti di e maneho di ehekushon di Hulanda na benefisio di e islanan BES den e sentro akí.