Minister Leers

Datonan Personal

Nòmber di dilanti (nòmber di kariño): Gerardus Bernardus Maria (Gerd)Lugá i fecha di nasementu: Kerkrade, 12 di yüli 1951
Residensia: Maastricht
Estado sivil: kasá, 3 yu

Preparashon

1969: HBS-a na Roermond 
1969-1975: planologia i ekonomia di espasio na Katholieke Universiteit Nijmegen

Karera

Gerd Leers a kuminsá su karera na 1976 komo kolaborador sientífiko di Economisch Technologisch Instituut voor Noord-Brabant (ETIN). Despues el a traha na Polyzathe/Pakhoed Rotterdam di 1980 te 1981 komo manager regional di investigashon di merkado. Di 1981 te 1985 e tabata kolaborador di maneho riba tereno di asuntunan sosio-ekonómiko pa provincie Noord-Brabant.

Na 1985 el a bira sekretario di Brabantse Ontwikkelingsmaatschappij (BOM), di kua e tabata direktor interino di 1988 te 1989. Na 1989 el a funda Nelthoven SocCon Sovjet Consultants BV, di kua e tabata direktor te kuminsamentu di 1991. Di 1982 te 1990 el a fungi komo presidente di frakshon den gemeenteraad di gemeente Goirle na Noord-Brabant.

Dia 4 di sèptèmber 1990 Gerd Leers a bira Miembro di Tweede Kamer pa CDA. Despues e tabata burgemeester di Maastricht di febrüari 2002 te mart 2010. Te na su nombramentu komo minister den gabinete Rutte, Leers tabata empresario den sektor privá i, entre otro, asosiá na 'Sprekersbureau' Assemblee di Maastricht, ku ta un ofisina kaminda por kontratá oradornan profeshonal riba diferente tereno.

Dia 14 di òktober 2010 a nombra drs. G.B.M. Leers Minister di Inmigrashon i Asilo den gabinete Rutte.

Funshonnan den su partido polítiko i funshonnan sekundario

Gerd Leers a okupá gran kantidat di funshon. E tabata, entre otro,

• Miembro di direktiva diario di CDA region di Noord-Brabant (1978-1982) 
• Presidente di KATINS, ku ta un Fundashon pa alohamentu di yu di nabegantenan i di trahadónan di kabaitu i feria 
• Vicepresidente di Stichting Natuurpark Efteling (for di 2007) 
• Embahador di Vereniging Nederlands Cultuurlandschap
• Presidente di NPS (for di 2008) 
• Presidente di komishon di investigashon di froude ku diploma na Hogeschool InHolland (2010)