Minister Donner

Datonan Personal

Nòmber di dilanti (nòmber di kariño): Jan Pieter Hendrik (Piet Hein
Lugá i fecha di nasementu: Amsterdam, 20 di òktober 1948
Residensia: Den Haag
Estado sivil: kasá, 3 yu

Preparashon

1968: Gymnasium-b 
1968-1974: Derecho hulandés Vrije Universiteit Amsterdam; 
1974-1975: Estudio postgraduate na University of Michigan na Ann Arbor (EEUU)

Karera

Piet Hein Donner a kuminsá su karera na aña 1976 na direktorado general di Relashonnan Ekonómiko Eksterior na ministerio di Asuntunan Ekonómiko. Despues el a traha te aña 1990 komo raadadviseur, konsehero mayor, direktamente bou di sekretario general, na e departamento di staf di Legislashon di derecho sivil di Ministerio di Hustisia. Den e periodo ei, di parti di Ministerio di Hustisia e tabata di 1982 te 1984 miembro di e komishon di enkuesta parlamentario RSV.

Na 1990 a nombra Donner miembro, i na 1993 Presidente di Konseho Sientífiko pa Maneho di Goibièrnu (WRR). Di fin di aña 1997 te 2002 e tabata miembro di Konseho di Estado (Raad van State).

Mr. J.P.H. Donner tabata di dia 22 di yüli 2002 te 21 di sèptèmber 2006 Minister di Hustisia den promé, di dos i di tres gabinete Balkenende. Di dia 30 di novèmber 2006 te 22 di febrüari 2007 e tabata parlamentario pa CDA den Tweede Kamer. Den di kuater gabinete Balkenende el a fungi komo Minister di Asuntunan Sosial i Empleo.

Dia 14 di òktober 2010 a nombra señor Donner Minister di Asuntunan di Interior i Relashonnan di Reino den gabinete Rutte.

Funshonnan sekundario

Piet Hein Donner tabata entre otro:

• Presidente di Centre for European Security Studies na Groningen
• Miembro di Direktiva di Fundashon Katholieke Universiteit Brabant
• Miembro di Konseho di Konsulta di CNV
• Presidente di Christelijk Sociaal Congres
• Presidente di komishon di problemátika di Lei di Seguro di Inkapasidat Laboral (WAO) (2000-2002)
• Informador (17 di mei te 4 di yüli 2002)
• Informador (24 di yanüari te 12 di aprel 2003)