Mandatarionan di Asuntunan Interno i Relashonnan di Reino (BZK) ta firma protokòl di traspaso

E akto a tuma lugá den presensia di e minister saliente di Vivienda, Barionan i Integrashon (WWI), Eimert van Middelkoop, sekretario di estado saliente di Asuntunan Interno i Relashonnan di Reino (BZK), Ank Bijleveld, i di e minister nobo di Inmigrashon i Asilo, Gerd Leers.

E minister nobo di BZK, Donner, a gradisí e mandatarionan saliente. Na final e mandatarionan entrante i esunnan saliente a brinda na okashon di e traspaso.

E traspaso ta enserá tambe trasapso di sierto tareanan ku anteriormente tabata kai bou di ministerio di Seguridat i Hustisia. Minister Leers lo ta enkargá ku inmigrashon i asilo. Ta trata di e tareanan ku ministerio di Hustisia tabatin riba tereno di maneho di ekstranhero i di asilo, inklusive tambe Servisio di Inmigrashon i Naturalisashon, e Órgano Sentral  di akohida i alohamentu di buskadónan di asilo, Servisio di remigrashon i salida, vigilansia di frontera den asuntunan di ekstranhero i e Lei di Reino riba sirkulashon di persona. Minister Donner ta keda responsabel pa e Lei di Reino riba nashonalidat hulandes.

E tareanan di ministerio di Asuntunan Interno i Relashonnan di Reino riba tereno di seguridat ta pasa pa e ministerio di Seguridat i Hustisia, ku eksepshon di Servisio General di Informashon i Seguridat.

Ademas, lo no kontinuá komo tal kue programa ku tabata na enkargo di e minister di Vivienda, Barionan i Integrashon (WWI). E korespondiente tareanan ta pasa henteramente pa minister Donner, meskos tambe ku e Servisio di Edifisionan di Reino.